《細個唔知埞，大個先知驚》
當我仲係100厘米高嘅時候，成日聽老豆同我哋講讀書好緊要嫁！讀到嘅知識永遠屬於自己嫁！不過耳仔唔靈光，成日左耳入右耳出。
由4月到依家，每日咬緊牙關不斷聽、睇、讀、寫；中間因婚事要擱置讀書兩個月，再返學時又將英、意、西文炒埋一碟拼盤都冇咁齊......每日邊煮飯邊讀書，一路買餸一路聽西文歌，好不容易，終於通過咗歐洲語言測試協會ALTE 嘅西文等級考試 Level A2😭雖然求學不是求分數，但有95/100嘅成績，我喺呢片土地終於可以抬起頭做人喇～嗚
回想起初來報到時，喺領事館俾個食蕉喝到狗血淋頭，但因為呢度9成人唔識英文，我只可唔出聲啞口食黃蓮，嗰種滋味...唔...苦過弟弟。
我讀西文嘅原意係學好幾個生字，等自己一個出街買餸都唔洗俾人呃稱，唔洗俾人恰。點知越讀就越感覺自己嘅卑微，個世界咁大我以往所學過嘅知識只係微塵。打個比方説，我曾經喺香港讀寶石鑑證，同行內有好多人都有證書，君不見有證書的代表識睇寶石；我依家雖然有A2證書喺手，但距離能夠真正操流利西文仲差九丈遠！
細個唔知埞，大個先知驚！我要繼續努力，邁向下一關大佬Level B1 !學校同學仔多數都比我細，俾人叫我姐姐都冇所謂啦，因為有一句老豆講嘅我好鬼記得：「學無前後，達者為先。」
#學無前後達者為先
#ALTE
#冇人再可以呃我稱
#AhoraHabloEspañol
#ArgentinianSpanish
Search